09 March, 2009

விட்டுக்கொடுத்த மைக்ரோசாஃப்ட்! எதை? யாருக்கு?


Recession-னு சொல்லி, மைக்ரோசாஃப்ட் சமீபத்தில் 1,400 தொழிலாளர்களை வேலையை விட்டு தூக்கியது.

அப்புறம்தான், 25 பேருக்கு settlement-ஆ கொடுத்த பணத்தில், கொடுக்க வேண்டியதை விட தவறாக, சுமார் $200 முதல் $5000-த்துக்கும் மேல் அதிகமாக கொடுத்ததாக கண்டுபிடித்தது.

உடனே அந்த 25 பேருக்கு கடிதம் எழுதி, தெரியாமல் அதிகமாக கொடுத்து விட்டதாகவும், excess பணத்தை திருப்பிக் கொடுத்து விடும்படியும் கேட்டுக்கொண்டது.

இந்த லெட்டரை பார்த்து கடுப்பான ஒரு worker சும்மா இல்லாமல், ஒரு வெப்சைட்டுக்கு அனுப்பி வைத்துவிட்டார்.

அந்த வெப்சைட், மைக்ரோசாஃப்ட்டிடம் இந்த கடிதம் உண்மைதானா என்று கேட்டு உறுதிப்படுத்திக்கொண்டு, உடனே தன்னுடைய வலைத்தளத்தில் அந்த கடிதத்தை போட்டுவிட்டது.


விஷயத்தை கேள்விப்பட்ட ஒவ்வொருத்தரும், பலவித reaction கொடுக்க ஆரம்பித்தனர். நான் இணையத்தில் படித்த கமெண்டுகளில் சில....

”மைக்ரோசாஃப்ட்தான் 20 பில்லியன் டாலர் ($20 Billion) பணம் வெச்சு இருக்குதே. அந்த excess பணம் திருப்பி வரலேன்னா கம்பெனியை இழுத்து மூடிட்டா போகப்போறாங்க.”

"அவிங்களே வேலை போச்சேன்னு கஷ்டத்திலே இருக்காங்க. அவங்ககிட்டே போய் நீ வாங்கின பணத்தில் ஒரு amount திருப்பி கொடுடான்னா கொடுமைடா சாமி”

”வேற என்ன நடந்துருக்கும். செட்டில்மெண்ட் கணக்கை Microsoft Excel யூஸ் செய்து போட்டு இருப்பாங்க. அதான் இந்த பிரச்சனை” என்று நக்கல் கமெண்ட் வேறே.
இப்படியெல்லாம், ஒவ்வொருத்தனும் இஷ்டத்துக்கு போட்டுத் தாக்க, கிணறு வெட்ட பூதம் கிளம்புதே என்று யோசித்த மைக்ரோசாஃப்ட், ஒரு கட்டத்தில் சுதாரித்துக் கொண்டு அந்தர்பல்டி அடித்து, excess பணத்தை யாரும் திருப்பி தர வேண்டியதில்லை என்று பெருந்தன்மையாக விட்டுக்கொடுத்து விட்டது.

இது இப்படி இருக்க, 20 பேருக்கு கொடுக்க வேண்டியதை விட குறைவாக கொடுத்ததாகவும் கண்டுபிடித்து, அவர்கள் கேட்காமலேயே shortage-ஐ கொடுத்து விட்டது. இதற்காக நாம் மைக்ரோசாஃப்ட்டை பாராட்டத்தான் வேண்டும்.

இப்பவாவது பிரச்சனை தீர்ந்துதா என்கிறதை, இன்டெர்நெட்டில் நான் பார்த்த இந்த latest கமெண்ட் பார்த்து முடிவு பண்ணிக்குங்க.

”எல்லாரையும் ஒரே மாதிரி treat பண்ணனும். மத்த 1375 பேர் என்ன பாவம் பண்ணாங்க. அவங்களுக்கும் இதே excess amount-ஐ கூப்பிட்டு கொடுக்கறதுதான் நியாயம்”

2 Comments:

NANJIL SUTHESI said...

மைக்ரோசாப்ட் கம்பெனிக்கே இந்த நிலைமை எனில் வேற கம்பெனிகளுக்கு எப்படி இருக்கும்.

சுப.தமிழினியன் said...

///”வேற என்ன நடந்துருக்கும். செட்டில்மெண்ட் கணக்கை Microsoft Excel யூஸ் செய்து போட்டு இருப்பாங்க. அதான் இந்த பிரச்சனை” ///

superrrrrrrrrrrrrrrrrrrrrrrrrrr

back to top