19 April, 2017

மைக்ரோசாஃப்டின் தட்டுங்கள்! திறக்கப்படும்!

மைக்ரோசாஃப்ட்டின் இணைய சேவைகளில் ஏதாவது கணக்கு வைத்திருக்கிறீர்களா?

அப்படியானால் மைக்ரோசாஃப்ட் அறிமுகப்படுத்தியுள்ள ஒரு புதிய வசதி உங்களுக்கு பயன்படும்.

உதாரணத்திற்கு மைக்ரோசாஃப்டின் ஹாட்மெயில்/அவுட்லுக் மின்னஞ்சலை எடுத்துக்கொள்வோம். உங்கள் மேசைக்கணினி அல்லது மடிக்கணினியில் அந்த கணக்கில் உள்நுழைய பயனர் பெயர் டைப்படித்தபின் கடவுச்சொல்லடிக்க தேவை ஏற்படாமல் உங்கள் திறன்பேசிக்கு "உங்களின் இந்த பெயருள்ள மின்னஞ்சலுக்குள் இப்போது செல்ல வேண்டுமா? இல்லையா?" என்று கேட்டு ஒரு அறிவிப்பு வரும்.

அந்த அறிவிப்பில் வேண்டும் என்று தேர்வு செய்து தட்டினால் கடவுச்சொல் அடிக்க தேவையில்லாமல் மின்னஞ்சலுக்குள்ளே போய்விடலாம்.

இந்த வசதி உங்களுக்கு தேவை என்றால் உங்கள் திறன்பேசியில் "மைக்ரோசாப்ஃட் ஆதென்டிகேட்டர்" (Microsoft Authenticator) அப்பை நிறுவி உங்கள் மின்னஞ்சலை அது சொல்லும் வழிமுறைப்படி (Enable phone sign-in) சேர்த்துக்கொள்ளவேண்டும்.

"நான் தட்டி வைக்கறவன் இல்லை. தயங்காமல் அடித்துவிடுற வகை ஆள்" என்றாலும் அதற்கும் வழி இருக்கிறது. கணினியில் பயனர் பெயர், கடவுச்சொல் அடித்தபிறகு அது போதாமல் இந்த அப் ஒரு "ஒருமுறை கடவுச்சொல்" (OTP) கொடுக்குமாறும் வழி செய்துகொள்ளலாம்.

உங்கள் திறன்பேசியை "விளையாடத் தா" என்று உங்கள் குழந்தைகளோ, வயதானதால் மறுபடியும் குழந்தைகளாகவே மாறிவிட்ட பெற்றோர்களோ வாங்கிச்சென்றுவிட்டால், பழையபடி கடவுச்சொல் மட்டும் கொடுத்து உள்நுழையும் வசதியை எடுத்துவிடாமல் மைக்ரோசாப்ஃட் இன்னும் அப்படியே வைத்துள்ளது.

இந்த செயலியை நிறுவ..

மைக்சோஃப்ட் திறன்பேசிக்கு..

https://play.google.com/store/apps/details?id=com.azure.authenticator

ஆன்ட்ராய்ட் திறன்பேசிக்கு..

https://play.google.com/store/apps/details?id=com.azure.authenticator

ஐபோன் திறன்பேசிக்கு..

https://itunes.apple.com/app/id983156458

என் மின்னஞ்சல் முகவரி.

மென்பொருள்.பிரபு@suthanthira-menporul.com
 
Just copy and paste on email receiver field.

0 Comments:

back to top