’Wait’ பார்ட்டிகள் போட்ட கோர்ட் கேஸ் + IT செய்திகள்

கணினியை ’On’ செய்துவிட்டு “இது Boot ஆவதுக்குள்ளே ஒரு காஃபி குடிச்சிட்டு வந்துடலாம்” என்று நினைப்பவர்களில் நீங்களும் ஒருவரா? உங்களுக்குத்தான் இந்த செய்தி.

"வைரஸ் Checking/வைரஸ் புரோகிராம் அப்டேடிங், Slow நெட்வொர்க் தொடர்பு, சர்வர் லோடு அதிகம் இப்படி உங்களுக்கு எவ்வளவோ காரணங்கள் இருக்கலாம்.”

”அதுக்குன்னு கம்பெனி கம்ப்யூட்டரை காலைலே Boot செய்யறதுக்கும், வேலை முடிந்து வீட்டுக்கு போகும்போது Shut down செய்யறதுக்கும், கால் மணி, அரை மணி நேரம் ஆயிடுதே. ”

”இப்படி கொஞ்சம்கொஞ்சமா சேர்த்தா ஒரு வாரம், ஒரு மாசத்துக்கு நிறைய மணி நேரம் ஆகி விடுகிறாது. அந்த நேரத்தில் வேலையா செய்யறீங்கன்னு சொல்லி அந்த நேரத்துக்கு சம்பளம் கொடுக்க மாட்டேன்னா எப்படி?”

”இது எங்க தப்பா? நாங்க காத்திருக்கும் நேரத்திற்கும் சேர்த்து காசு கொடுக்கறதுதான் நியாயம்.”

இப்படி கேட்டு மணிநேரக் கணக்கில் (Hourly wages) சம்பளம் வாங்குவோர் அமெரிக்காவில் கோர்ட்டு கேஸ் போட்டு இருக்கிறார்கள்.

“நீ காலையிலே வந்து கணினி பட்டனை மட்டும்தான் “ON" பண்றே. புரோகிராம் எல்லாம் லோடு ஆகறவரைக்கும் மத்தவங்களோட ஊர்க்கதைதானே பேசிக்கொண்டு இருக்கிறே. இல்லேன்னா காஃபி குடிக்க போயிடறே. அதுக்கு எதுக்கு சம்பளம்?” இது சம்பளம் கொடுப்பவர்களின் வாதம்.

”சட்டப்படி ஆபீசுக்கு வரும் நேரம்தான் (Show up time) கணக்கு. ’ON’ செய்துவிட்டு சும்மாவா இருக்க முடியுது. மீட்டிங் அரேஞ்ச் செய்ய, வாடிக்கையாளர்களிடம் ஃபோனில் பேச , இப்படி எவ்வளவோ வேலை வந்த சூட்டோட ஆரம்பிச்சிடறோமே. வேறே யாரையாவது கால் மணி நேரம் முன்னாடியே வந்து ’ON’ செய்யச் சொல்லுங்களேன். இல்லாட்டி ராத்திரி முழுக்க 'Standby/Hibernate/Sleep' லேயே வையுங்க.” இது ஊழியர்களின் வாதம்.

கேஸ் போட்ட “Wait" பார்ட்டிங்களுக்கு நியாயம் கிடைத்ததா? என்று தெரியவில்லை. ஒருவேளை கோர்ட்டிலும் தீர்ப்புக்காக ”Wait ” செய்கிறார்களோ? என்னவோ? தெரிந்தால் சொல்லுங்களேன்.

10 Second Boot : அடுத்த ஆண்டு வரப்போகும் உபுண்டு லினக்ஸ் 10.04 (2010-வது வருடம், 4-வது மாதம்) ரிலீஸில், பத்தே நொடிகளில் கணினியை Boot (Start) செய்வதற்கு முயற்சி மேற்கொள்ளப்பட்டு வருகிறது.

---

” உபுண்டு லினக்ஸ் போட்டுப் பார்த்தேன். பாட்டு கேட்க, படம் பார்க்க என்ன செய்யறதுன்னு தெரியலியே” என்று முழிப்பவர்களுக்கு நான் சொல்வது ஒன்றே ஒன்றுதான்.

” http://www.videolan.org போய் VLC Player டவுன்லோடு செய்து கொள்ளுங்கள்.”

சுதந்திர இலவச மென்பொருள் VLC Player வெர்ஷன் 1.0.0 ரிலீஸ் ஆகி இருக்கிறது. இதை வைத்து DVDs, VCDs, Audio CDs, MP3, DivX, etc பயன்படுத்தலாம்.

இந்த புது வெர்ஷன் டவுன்லோடு லிங்க்கை இன்றுவரை சுமார் 1.3 கோடி பேர் கிளிக் செய்து இருக்கிறார்கள். VLC Player Download Statistics.

இந்த VLC Player விண்டோசுக்கும் கூட கிடைக்கிறது (சுமார் 18MB).

இந்த மென்பொருளை உங்கள் நாட்டில் legal ஆக பயன்படுத்த முடியுமா என்பதை தெரிந்துகொள்ள இங்கே கிளிக் செய்யவும். லிங்க்1, லிங்க்2

---

Novell ஆதரவில் செயல்படும் OpenSUSE லினக்சின் வெர்ஷன் 11.2 தயாரிப்பில் இருக்கிறது. இதன் செல்லப் பெயர் Fichte. உபுண்டு லினக்ஸ் ஆறு மாதத்திற்கு ஒரு முறை ரிலீஸ் ஆவது போல் ஓப்பன்சுசி லினக்ஸ் இனிமேல் எட்டு மாதத்திற்கு ஒரு முறை ரிலீஸ் ஆகும்.

Fedora Linux 12 தயாரிப்பில் இருக்கிறது. இதன் செல்லப் பெயர் Constantine. இது ஆறு மாதத்திற்கு ஒரு முறை ரிலீஸ் செய்யப்படுகிறது.

சன் மைக்ரோசிஸ்டம்ஸ் கம்பெனியின் Virtualization மென்பொருள் VirtualBox வெர்ஷன் 3.0 வெளியிடப்பட்டுள்ளது. இது ஒரு சுதந்திர மென்பொருள்.

Tweet Follow @MenporulPrabhu

Twitter Ten - அறிமுக செய்திகள்!

1. ஆரம்பித்த புதுசில் Twitter-ன் பெயர்

-னு இருந்தது. அப்புறம்தான்

-னு மாற்றப்பட்டது. இது எத்தனை பேருக்கு தெரியும்!


2. Twitter-ஐ “SMS of Internet" என்று சொல்கிறார்கள்.

Group Messaging System, இன்டெர்நெட்டின் தந்தி சேவை என்றுகூட எடுத்துக் கொள்ளலாம்.

3. Twitter வேலை செய்யலேன்னா அதை குறிக்கும் வகையில் browser-ல் இந்த படம் தெரியும்.

இதற்கு Fail whale-னு பேர்.

4. இப்போதெல்லாம் Twitter-லே தனக்கு இத்தனை followers இருக்குறாங்கன்னு சொல்லிக்கிறதை Status symbol-ஆக நினைக்கிறார்கள். Ashton Kutcher என்பவர் Twitter-ல் முதன்முறையாக 1 மில்லியன் (பத்து லட்சம்) followers-ஐ எட்டி சாதனை படைத்தார்.

5. இன்றுவரை Twitter பயன்படுத்துவது இலவசம்தான். SMS கட்டணம் நம் செலவு.

6. Twitter-ல் Message-ஐ குறிப்பிட Tweet என்கிற வார்த்தையை பயன்படுத்துகிறார்கள்.

7. ”ஒரு SMS-ல் அதிகபட்சம் 160 எழுத்து வரை அடிக்கலாமே. பின்னே ஏன் Twitter-க்கு 160 எழுத்து லிமிட் கொடுக்காமல் வெறும் 140 எழுத்து லிமிட் கொடுத்திருக்காங்கன்னு” எனக்குள் ரொம்ப நாளா ஒரு கேள்வி.

அப்புறம்தான் புரிந்தது. Followers-க்கு நம் மெசேஜ் SMS-ஆக போகும்போது Tweet-க்கு முன்னால் அனுப்புபவர் பேரை போட்டு அனுப்ப 20 எழுத்து reserved.

8. நீங்கள் செல்போனில் இன்டெர்நெட் பயன்படுத்தினால் அதற்கு

http://m.twitter.com (Mobile version of Twitter) பொருத்தமாக இருக்கும். இந்த வலைத்தளத்தை நம்ம PC browser-லே கூட பார்த்துக்கலாம்.

9. Twitter.com வேலை செய்யலேன்னா http://status.twitter.com (Twitter Service Status page) போய் தப்பு உங்க பக்கமா? Twitter பக்கமான்னு தெரிந்துகொள்ளலாம்.

10. Search என்றாலே கூகிள்தானா? Twitter-லேயும் Search இருக்கிறது. Tweets-ல் வந்துகொண்டு இருப்பதை, உடனுக்குடன் தேடிப்பிடித்து நமக்கு தருகிறது. நீங்களும் தேடிப்பாருங்கள். புதிய அனுபவமாக இருக்கும்.

என்னதான் வருதுன்னு பார்ப்போமேன்னு Twitter Search-ல் கூகிளை தேடினேன்! வந்த ரிசல்ட்களை Scroll down செய்து பார்த்துவிட்டு திரும்பியும் Home key அடித்தால் “8 more results since you started searching. Refresh to see them”-னு அலெர்ட் வந்தது.

இந்த வேகத்தை நான் கூகிளில்கூட பார்த்ததில்லை. "சுடச்சுட Search" என்பதை redefine செய்கிறார்கள். இதுதான் Twitter-ன் பலம்.

Tweet Follow @MenporulPrabhu

குட்டி குட்டி உபுன்டு 9.04 செய்திகள்!

JJ ....உபுன்டுக்கு JJ!

Jaunty Jackalope (JJ) என்று செல்லமாக பெயரிடப்பட்டுள்ள உபுன்டு லினக்சின் புதிய ரிலீஸ் ஏப்ரல் மாதம் 23-ஆம் தேதி வெளிவந்தது.

இது உபுன்டுவின் பத்தாவது ரிலீஸ். Jaunty-ன் முதல் எழுத்தான் "J" English alphabets-ல் பத்தாவது எழுத்து.

அது என்ன 9.04? 9.04 என்றால் 4-ஆவது மாதம், 2009-ஆவது வருடம் வந்த ரிலீஸ்.

Desktop edition, Server edition , Ubuntu Netbook Remix(UNR) என மூன்று விதமாக கிடைக்கும்.

இன்டெல் Atom பிராஸசருடன் வரும் சில பிரபல Netbook வகை கணினிகளுக்கு பொருத்தமான உபுண்டு நெட்புக் ரீமிக்ஸ் edition (UNR) புதுசு கண்ணா புதுசு!

இதில் ஓப்பன் ஆபீஸ் 3 சேர்ந்து வருகிறது.

அடுத்த version 9.10 (செல்லப் பெயர் ’கார்மிக் கோலா’) ஆறு மாதங்களுக்குப் பிறகு அக்டோபர் 2009-ல் வந்தாலும், இந்த 9.04 ரிலீசுக்கு 18 மாதங்கள் Software/Security updates கிடைக்கும்.

இத்தோடு சேர்த்து Kubuntu 9.04, Xubuntu 9.04 ரிலீஸ் ஆகியுள்ளன.

டவுன்லோடுக்கு மட்டும் செலவு செய்தால் போதும். லைசன்சுக்கு பணம் கொடுக்க தேவையில்லை. மற்றபடி முழுவதும் இலவசம்.

Booting நேரம், முந்தைய ரிலீஸை விட இன்னும் வேகமாக ஆக்கப்பட்டுள்ளது.

Ubuntu 9.04 இலவச சி.டி அனுப்பச் சொல்லி shipit.ubuntu.com-ல் தேவையை பதிவு செய்துகொண்டால் அதிகபட்சம் 10 வாரத்தில் அனுப்பி வைப்பார்கள்.

Kubuntu 9.04 இலவச சி.டி வேண்டும் என்றால் shipit.kubuntu.org-ல் தேவையை பதிவு செய்யவும்.

Tweet Follow @MenporulPrabhu

உபுண்டு 9.10 பேர் வைச்சாச்சு!!

சுதந்திர இலவச மென்பொருள் உபுண்டு லினக்ஸ் ஆறு மாதத்துக்கு ஒரு முறை புதிய Edition ரிலீஸ் செய்யும்.

உபுண்டு தன்னுடைய ஒவ்வொரு புது ரிலீசுக்கும் ஒரு விலங்கின் பெயரை செல்லப் பேராக (Nickname) வைப்பதை வழக்கமாக கொண்டுள்ளது.

கடைசியாக வெளியான 9.04 ரிலீஸ் பெயர் ”ஜாண்டி ஜாக்கலோப்” (Jaunty Jackalope).

அது என்ன 9.04? -- 2009-வது வருஷம் 4-வது மாதம்.

இப்போது தயாரிப்பில் இருக்கும் உபுண்டு 9.10-வின் செல்லப் பேர் (Nickname) கார்மிக் கோலா (Karmic Koala).

கவனித்தீர்களானால் பேர்கள் A, B, C, D என வரிசையாக தொடர்வது தெரியவரும்.

கார்மிக் கோலா (9.10) 2009 அக்டோபர் மாதம் வெளிவரும்.

கடைசியாக வந்திருக்கும் உபுண்டு ”ஜாண்டி ஜாக்கலோப்” (Jaunty Jackalope) டவுன்லோட் செய்ய இங்கே கிளிக் செய்யவும்.

Tweet Follow @MenporulPrabhu

வீட்டுக்கடன் EMI கணக்கு போடுவது எப்படி?

EMI (Equated Monthly Instalments) கணக்கு போடுவது இன்னும் எனக்கு ஒரு புதிராகவே உள்ளது. எனக்கு மட்டும் இல்லை. உங்களில் பலருக்கும் இதே நிலைமை இருக்கலாம்.

சாதாரண கால்குலேட்டர், scientific கால்குலேட்டர், spreadsheet புரோகிராம் இப்படி எதிலும் எனக்கு EMI கண்டுபிடிக்கத் தெரியாது. B.Com, 3 வருஷம் படித்த என் நண்பனுக்கே அதை கணக்கு போட வழி தெரியலே.

மீதி இன்ஸ்ட்டால்மென்டை கிரெடிட் கார்டுலே EMI-ஆ போட்டுக்கலாம்னு சேல்ஸ்மேன் சொல்லும்போது, அவங்க சொல்லும் EMI சரிதானான்னு சந்தேகம் வருது. வீட்டு லோன் வாங்க போனாலும் இதே பிரச்சனைதான்.

Cross check செய்ய வழி தேடினேன். கிடைத்தது.

Bankbazaar.com என்ற வலைத்தளத்தில் EMI Calculator பார்த்தேன்.

அனைவருக்கும் புரியும் வகையில் உள்ள இந்த பக்கத்தில், கடன் தொகை, வட்டி, கடன் திருப்பிச் செலுத்தும் காலம், பிராஸஸிங் ஃபீஸ் இவற்றை செலக்ட் செய்துவிட்டால், உடனே EMI, செலுத்தப் போகும் வட்டி என்று மொத்த விஷயத்தையும், கணக்கு போட்டு சொல்லி விடுகிறது.

’என் பிரச்சனை அது இல்லீங்க. வீட்டுக்கடனை prepayment அல்லது வேறே வங்கிக்கு மாற்றினால் லாபம் உண்டா? என்று எனக்கு தெரிந்தால் போதும்’ என்றால், அதற்கும் Refinance Calculator இருக்கிறது. மாற்றினால் லாபமா? நஷ்டமான்னு (Cost benefit analysis) தெரிஞ்சுக்கலாம்.

தான் பெற்ற இன்பம் பெறுக இவ்வையகம் என்று நான் நினைக்கிறேன். நீங்களும் அவ்வாறே நினைத்தால், இந்த பதிவின் கீழே உள்ள Email Post Icon-ஐ கிளிக் செய்து, உங்களுக்கு தெரிந்தவர்களின் email முகவரிக்கு இந்த பதிவை அனுப்பி நல்ல பேர் வாங்கிக்குங்க.

கூகிளில் EMI Calculator என்று தேடினால் இன்னும் நிறைய கிடைக்கிறது.

நன்றி.

Tweet Follow @MenporulPrabhu

காதலை கணக்குப் பண்ணலாம் வாங்க!

என்ன பொருத்தம், நமக்குள் என்ன பொருத்தம்
காதலெனும் நாடகத்தில் கல்யாணம் சுபமே!

என்று பாடிக்கொண்டிருந்த என்னிடம், ஓடி வந்தாள் என் மனைவி.

'என்னங்க.. நீங்க பாடறதைக் கேட்ட பிறகுதான் ஞாபகம் வருது. உங்க மொபைலைக் கொடுங்களேன்.'

'எதுக்குன்னு முதல்ல சொல்லு.'

‘காதல் பொருத்தம் பார்க்க ஜோடியின் பேரை SMS அனுப்பிச்சா, எவ்வளவு பொருத்தம்னு சொல்லுமாம். பேப்பரில் விளம்பரம் பார்த்தேன். என் அண்ணனுக்கு கல்யாணம் ஃபிக்ஸ் ஆயிருக்கே. போட்டுப் பார்க்கலாம்னுதான்.’

’ஜோடிப் பொருத்தம் இல்லேன்னு பதில் வந்தா, நிச்சயம் ஆன கல்யாணத்தை நிறுத்திடுவியா என்ன?’ என்றேன் கிண்டலாக.

’நீங்க எப்பவுமே இப்படித்தான். ஆசைக்குப் போட்டு பார்க்கிறேனே.’

’ஏதோ ஒரு சேனல்ல கூடதான் இப்படி விளம்பரம் வருது. நான் என்னிக்காவது நம்ம பொருத்தம் இப்படி பார்த்து, காசை கரியாக்கி இருக்கேனா? இன்டெர்நெட்டில் ஃப்ரீயா பார்த்துக்கலாமே.’

’அப்படியா! எனக்கு யாருமே சொல்லவே இல்லியே.’

அவளை http://www.lovecalculator.com/ கூட்டிக் கொண்டு போனேன்.

’வெள்ளித் திரையில்’ பிரபல ஜோடியான MGR & Saroja Devi போட்டு Calculate அழுத்தினால் பொருத்தம் 78 சதவீதம் வந்தது.

அவ்வாறே, MGR & Nambiar போட்டால் ’ஜீரோ’ சதவீதம் வந்தது.

மற்ற பொருத்தங்கள் பார்த்ததில் சில,

cat & rat 0%
India & Pakistan 1%

microsoft & open source software 1%
microsoft & monopoly 93%

இதற்குள், “ அப்படி என்னதான் இன்ட்ரெஸ்டா பார்த்துட்டு இருக்கீங்க”ன்னு பக்கத்து ஃப்ளாட் மாமி வந்து அவங்க பங்குக்கு ஃப்ரீயா பொருத்தம் பார்க்க ஆரம்பிச்சிட்டாங்க.

அரை மணி நேரத்தில் எல்லா ஃப்ளாட்டுக்கும் நியூஸ் பரவி, ஒரு குட்டி கும்பலே வந்துடுச்சின்னா பார்த்துக்குங்களேன்.
நிறைய ஒத்துக்கொள்ள முடியாத ரிசல்ட் கூட வந்தது.

எனக்கும், உங்களுக்கும், பலருக்கும் உடனே ஞாபகம் வரும் பல பிரபல ஜோடிகள், அரசியல்வாதிகள், நடிகர் நடிகைகள், பகைவர்கள் லிஸ்ட்டை போட்டுப் பார்த்தாலும், ஹிட்சுக்கு ஆசைப்பட்டு தரம் தாழ்த்திக்க வேண்டாமேன்னு, ரிசல்ட்டை சென்சார் பண்ணிட்டேன்.

உங்களுக்கு இஷ்டமானதை நீங்களே போட்டு பார்த்துக்குங்க.

Disclaimer: குறிப்பிடப்பட்டுள்ள இணையதளம் பொழுதுபோக்கிற்கும், விளையாடிற்கும்தான். அப்படியே நம்பி உங்கள் பொன்னான வாழ்வை நாசம் செய்துகொள்ள வேண்டாம்.

Tweet Follow @MenporulPrabhu

இன்டெலின் Broadband ஸ்பீட் டெஸ்ட்!

இந்த வலைப்பூவின் ’மேல்-வலது’ பகுதியில் ஷீரடி சாய் பாபாவின் படம் போட்டு கிளிக் செய்தால், மகாராஷ்ட்ர மாநிலத்தில் உள்ள ஷீரடி பாபா கோவிலிலிருந்தே Live Relay தர்ஷன் தெரியும்படி செட் செய்தேன்.

அந்தப் பக்கம் ’Windows Media Player 9 or above’ வேண்டும் என்று கேட்டது. லிங்க் ரெடியாக கொடுத்து இருந்தார்கள்.

உடனே, லைன் ஸ்பீட் check செய்து ஸ்பீடா இருந்தா, இப்பவே டவுன்லோடு செஞ்சுக்கலாம். ஸ்லோவா இருந்தா ராத்திரி பார்த்துக்கலாம்னு, கூகிள்லே போய் ”Broadband Speed Test"ன்னு அடிச்சேன்.

வந்த links திருப்தியாக இல்லை. முழித்துக் கொண்டு இருந்தபோது, Intel கூட Broadband Speed Test சர்வீஸ் கொடுக்கிறதா எங்கேயோ படிச்ச ஞாபகம் வந்தது.

அப்படி பிடித்ததுதான் இந்த Link -

Intel Broadband Speed Test

டெஸ்ட்டுக்காக upload/download பண்றேன்னு, பேர் தெரியாத வெப்சைட் malware, virus-னு கம்ப்யூட்டரை நாஸ்தி பண்ணிட்டா, நான் எங்கே போறது.

அதுக்குத்தான், Intel மாதிரி நம்பகமான வெப்சைட்களை பயன்படுத்துவது நல்லது என்று தோன்றுகிறது.

கொசுறா, இன்னொரு சுட்டியில்  File Size கொடுத்துட்டா, அது டவுன்லோடு ஆக எந்த டைப் கனெக்‌ஷனுக்கு எவ்வளவு நேரம் ஆகும்னும் கணக்கு போட்டு சொல்லிடுது.

இன்டெல் டவுன்லோட் கால்குலேட்டர்

ஜாலி, ஒரே கல்லுலே ரெண்டு மாங்காய்!

இந்தப்  பதிவில் விவாதிக்கப்பட்ட சுட்டிகள்

Intel Broadband Speed Test
இன்டெல் டவுன்லோட் கால்குலேட்டர்   

Tweet Follow @MenporulPrabhu

ஓப்பன் ஆபீஸ் 3.1 - என்ன புதுசு?

1. இலவச மென்பொருள் ஓப்பன் ஆபீசின் சரியான பெயர் OpenOffice.Org. நாம் சுருக்கமாக ஓப்பன் ஆபீஸ்னு குறிப்பிடுகிறோம். இன்னும் சுருக்கனும்னா OOo அல்லது OO.o-ன்னு ”ஓ போடு ஹ ஓ போடு”.

2. வேறே எவனோ ஒருத்தன் Openoffice என்கிற வார்த்தையை Trademark செய்துவிட்டதால் இந்த வம்பே வேண்டாம்னு Open office-உடன் .Org சேர்த்து Openoffice.Org ஆக்கிவிட்டார்கள்.

3. ஓப்பன் ஆபீஸ் 3.0 டவுன்லோடு லிங்க் இதுவரை 6 கோடி முறை கிளிக் செய்யப்பட்டுள்ளது.


4. ஓப்பன் ஆபீஸ் 3.1 புதிதாக வெளிவந்துள்ளது. இங்கே கிளிக் செய்து டவுன்லோடு செய்துகொள்ளுங்கள்.

5. OOo 3.1-ல் Right to Left-ஆக எழுதப்படும் அரபிக் போன்ற மொழிகளுக்கு support அதிகரிக்கப்பட்டுள்ளது. சுமார் 25 நாடுகளில் அரபி மொழி official மொழியாக இருக்கிறது.


6. Underlining தெரியும். Overlining தெரியுமா? இந்த ரிலீஸில் புதிதாக படத்தில் உள்ளவாறு எழுத்தின் மேல் கோடு போட்டுக்கலாம்.


7. Anti-aliasing என்கிற ஒரு டெக்னிக்கைப் பயன்படுத்தி graphics “பளிச்”னு தெரியறா மாதிரி மாற்றி இருக்கிறார்கள். Graphics-ஐ drag செய்வது Ooo-3.1-ல் ரொம்ப ஈஸி.

இந்தப் படத்தில் right சைடில் இருப்பது anti-aliased image.

8. Spreadsheet புரோகிராம் Calc-ஐ வேகப்படுத்தி உள்ளார்கள். Calc-ல் function அடிக்கும்போது அதன் பக்கத்திலேயே படத்தில் உள்ளவாறு syntax-ம் காட்டும்.


சில புது functions சேர்த்திருக்கிறார்கள். Charting-ல் மேலும் புது வசதிகள். Sorting மேம்படுத்தப்பட்டுள்ளது.

9. இதை C++ மற்றும் Java மொழிகளில் உருவாக்கியிருக்கிறார்கள்.

10. ஓப்பன் சோர்ஸில் பலவகை லைசன்ஸ் உண்டு. லினக்சுக்கு GPL Version 2 (GPL2) லைசன்ஸ் என்றால், ஓப்பன் ஆபீஸ்.Org-க்கு Version 3-லிருந்து Lesser GPL Version 3 (LGPL3) லைசன்ஸ்.

11. ஓப்பன் ஆபீஸ் default-ஆக OpenDocument Format (ODF)-ஐ file format-ஆக பயன்படுத்துகிறது.

12. Equation, Formula அடிக்கனும்னா அதற்கு பொருத்தமா ஓப்பன் ஆபீஸில் Math இருக்கிறது. படத்தைப் பார்த்தாலே புரியும்.


13. Firefox-க்கு extension இருப்பது போல் ஓப்பன் ஆபீசுக்கும் extensions இருக்கின்றன. அதற்கு இங்கே கிளிக் செய்யவும்.


14. ஓப்பன் சோர்ஸ் மென்பொருட்களில் என்ன special-னா upgrade செய்ய காசு கொடுக்க வேண்டாம். அதனால் புதிய version-க்கு வரவேற்பு அதிகமாக இருக்கும் என எதிர்பார்க்கலாம்.

என் மனைவியிடம் சென்று பெருமையுடன் இந்த வலைப்பூக்கு 20,000 ஹிட்டு வந்தது என்று சொன்னேன். எவ்வளவு துட்டு வந்தது என்று கேட்டாள். என்னை கடவுள்தான் காப்பாத்தனும்.

Tweet Follow @MenporulPrabhu