20 February, 2012

நடிகர் வடிவேலு மைக்ரோசாஃப்ட் தலைவராக ஆனால்.....


இடம் : எம்.டி. ரூம்.

வடிவேலு டேபிள் சேரில்  உட்கார்ந்து இருக்கிறார்.

கதவை தட்டிவிட்டு பார்த்திபன் உள்ளே வருகிறார்.

பார்த்திபன்: ( பணிவுடன்)  சார், நான் மெளனம் அட்வர்டைசிங் ஏஜென்சியிலிருந்து வந்திருக்கேன்.

வடிவேலு:  (நெற்றியை சுருக்கி பார்த்திபனை பார்த்தவாறே)..  விளம்பர கம்பெனின்றீங்க ...ஆனா பேரே ஒரு தினுசா இருக்கே... சரி. வாங்க. உட்காருங்க.

பார்த்திபன்:  சார், உங்க கம்பெனி புராடக்ட் லோகோ புதுசு வேணும்னு சொன்னீங்களாம்.  நீங்க என்ன புராடக்ட் டீல் பண்ணுறீங்கன்னு தெரிஞ்சுக்கலாமா?

வடிவேலு: (பார்த்திபனை மேலும் கீழும் பார்த்துக்கொண்டே) தொழிலுக்கு புதுசா?.....அது  விண்டோஸ்.

பார்த்திபன்: (சற்றே சுற்றும் முற்றும் பார்த்துவிட்டு) சார். இங்கே நான் சாத்திட்டு வந்த டோர் மட்டும்தான் இருக்கு. ஒரு விண்டோஸைக்கூட காணோமே!

வடிவேலு: (முகத்தில் ஷாக்...) இது ஏசி ரூம். அதான் இதுலே விண்டோஸ் இல்லை. (அப்புறம் சுதாரித்துக்கொண்டு).... நான் சொன்னது விண்டோஸ் சாப்ட்வேர்.

பார்த்திபன்:  அப்படியா சார்? சாரி.  நான் வேற மாதிரி நெனச்சுக்கிட்டேன். சரி. உங்க லோகோவை காமிங்க.

வடிவேலு காட்டுகிறார்:

Picture 1

பார்த்திபன் அதை முன்னே -பின்னே- மேலே -கீழே என்று பலவிதமாக ஆச்சரியத்துடன் பார்க்கிறார். பிறகு " விண்டோஸ்னு சொல்றீங்க ஆனா எதுக்கு இதுலே காத்துலே அசையுறா மாதிரி கொடியெல்லாம் இருக்கே?

வடிவேலு:  (முகத்தில் டபுள் ஷாக்.. வாய் குழறுகிறது.)  அது.. அதது... இவ்வளவு நாள் அப்படித்தான்பா இருந்தது.

பார்த்திபன்: (விடாப்பிடியாக) அதெப்படி சார். விண்டோஸ்னு சொல்றீங்க. அப்படின்னா இந்த லோகோவுலே கொடி எதுக்கு?  கொடி அசைய காத்து எங்கே இருந்து வந்தது?ன்னு நாலு பேர் கேட்க மாட்டாங்களா?

வடிவேலு: (விட மாட்டான் போல இருக்கேன்னு மனதுக்குள் நினைத்துக்கொண்டே..)  சரிப்பா... அதுக்கு இப்ப என்ன பண்றது?

பார்த்திபன்: கொடி அனிமேஷனை தூக்கிடலாம் சார். இந்த குழப்பம்லாம் இல்லாம போயிடும்.

வடிவேலு:  (சற்றே ஆறுதல் அடைந்தவராக)..." அப்படியா சொல்ற?.. சரி.... தூக்கிடு."

பார்த்திபன் உடனே தன் டேப்லட் கணினியில் Picture 1 லோகோவில்,  பறக்கும் கொடி எஃபக்ட் இல்லாமல் மாற்றங்கள் செய்து Picture 2-வை காண்பிக்கிறார்

Picture 2

வடிவேலு:  (முகத்தில் திருப்தியுடன்) சரிப்பா.. இனிமே இதையே வச்சிக்கலாம்.

பார்த்திபன்: நான் அப்படி சொன்னேனா சார்!

வடிவேலு: ( திடுக்கிட்டு) நீதானேப்பா இப்ப சொன்னே.  கொடி.. காத்து. அனிமேஷன்.. அதெல்லாம் தூக்குறதுக்கு சரின்னு சொன்னேனேப்பா.

பார்த்திபன்: சார். அவசரப்படாதீங்க. அதில் ஒரு விஷயம் இருக்கு.

வடிவேலு: (மெதுவாக நிமிர்ந்து, டேபிளில் பார்த்திபன் பக்கம் சாய்ந்து.. )....இப்ப என்ன சொல்ல வரே...?

பார்த்திபன் உடனே தான் கொண்டுவந்த டேப்லட்டில் ஆப்பிள் லோகோவை சர்ச் செய்து எடுத்து வடிவேலுக்கு காண்பிக்கிறார்.

பார்த்திபன்: சார். ஆப்பிளும் ஒரு கலர்ஃபுல் ஆபரேடிங் சிஸ்டம்தான். அதுக்குன்னு சின்னபிள்ளைத்தனமா,  இருக்குற எல்லா கலரையுமா அவுங்க லோகோவுலே அப்பி டிசைன் செய்து இருக்காங்க? வெறும் சில்வர் கலர் மட்டும்தானே யூஸ் பண்ணி இருக்காங்க?

வடிவேலு: ( சிறிது யோசனையுடன்) ஆமாம். நீ சொல்றது கரெக்டுதான். நம்ம லோகோ ஆப்பிள் லோகோவை விட டாப்பா வரணும்.

பார்த்திபன்: "அதுக்குத்தான் சார் சொல்றேன். "

"இப்ப இருக்கும் சிவப்பு, பச்சை, நீலம், மஞ்சள் எல்லா கலரையும் தூக்கிடலாம். "

"வானும் நீலம். கடலும் நீலம். வானத்துலே இருந்து ராக்கெட்ல பார்த்தா பூமியும் நீலம்.

"அதானால உலகம் பூரா மார்க்கெட்டை புடிச்சி இருக்கிற நம்ம விண்டோஸ் லோகோவுக்கு நீல நிறம் கொடுத்தா கச்சிதமா இருக்கும் சார்! "  

மிகுந்த ஆர்வத்துடன் இப்படி சொல்லிவிட்டு,  Picture 2 லோகோவை பார்த்திபன் நீல கலருக்கு மாற்றிவிட்டு, வடிவேலுக்கு Picture 3 காட்டுகிறார்.

Picture 3

இதுதான் மைக்ரோசாஃப்ட் அறிவித்துள்ள புதிய விண்டோஸ் 8 லோகோ



வடிவேலு: (மிகுந்த சந்தோஷத்தில் சேரைவிட்டு எழுந்து வந்து பார்த்திபனை கட்டித் தழுவி) ஆஹா! என்ன  ஒரு மேஜிக்கு.  என்ன ஒரு லாஜிக்கு.   நீ மட்டும் என் கண்ணுலே 25 வருஷத்துக்கு முன்னாலேயே பட்டிருந்தே வையி....

பார்த்திபன்: (அசராமல்  இடைமறித்து)  சார்.. இன்னும் உங்க விண்டோசோட புது வெர்ஷனை எனக்கு காமிக்கவேயில்லையே சார்.

வடிவேலு:   ஆங்.., பாத்தியா. எமோஷன்லே அதை மறந்துட்டேன். பாரு.. நல்லா பாரு...: என்று சொல்லி தன் விண்டோஸ் 8 புது வெர்ஷன் ஓடும் தன் லாப்டாப்பை பார்த்திபனிடம் அக்கறையுடன் தருகிறார்.

பார்த்திபன் அதை கையில் வாங்கி பார்க்கிறார்.  என்னென்னமோ செய்து பார்க்கிறார்.  கீயை தட்டி பார்க்கிறார்.  ட்ராக்பேடை விரலால் தேய்த்துப் பார்க்கிறார்.

வடிவேலுக்கு ஒன்னும் புரியவில்லை.  "என்னடா இவன் நேரா வந்தான். அதை தூக்கு.  இதை தூக்குன்னு சொன்னான்.  இவன் சொன்ன எல்லாத்துக்கும் தலையாட்டி தப்பு பண்ணிட்டோமோ?"ன்னு மனதுக்குள்  நினைத்துக்கொண்ட வடிவேலுக்கு பெரும் குழப்பமே வந்துவிட்டது.

இருந்தாலும் "சரி.  இவ்வளவு நேரம் பொறுத்துட்டோம். கொஞ்சம் விட்டுப்பிடிப்போம்னு "  நினைத்துக்கொண்டார்.  குரலை கொஞ்சம் கனிவாக்கிக்கொண்டு, " அப்படி என்ன அதுல தேடறீங்க. தெரிஞ்சுக்கலாமா? என்று கேட்டார்.

ஒரு வித கலவரத்துடன் தலையை நிமிர்த்தி வடிவேலுவை பார்த்த பார்த்திபன், " சார்... நானும் எவ்வளவோ தேடிட்டேன். ஒரு விண்டோவைக்கூட இந்த விண்டோஸ் 8-லே என்னால கண்டுபிடிக்க முடியலே.  எல்லாம் ஒரே டைல்ஸா இருக்கு.  வேணும்னா இதுக்கு "டைல்ஸ் 8"-ன்னு பேர் வைச்சுடலாமா சார்?"னு சீரியசாக கேட்க,

விண்டோஸ் 8 ஸ்க்ரீன்ஷாட்
 
நிலைமையின் விபரீதம் புரிந்து வடிவேலுக்கு உலகமே சுற்ற ஆரம்பித்துவிட்டது.

" அய்யய்யோ... 25 வருஷமா கட்டிக்காத்து வந்த பிராண்ட் பேரை மாத்தச் சொல்றானே.  ஒரே ஒரு லோகோவை வச்சிகினு இப்படி புரட்டி எடுக்கறானே.   என்னால தாங்க முடியலேடா.  நான் எங்கனா போய் நிம்மதியா இருந்துக்குறேன். தயவு செய்து என்னை விட்டுடுடா"ன்னு அலறிக் கொண்டே அந்த பில்டிங்கை விட்டு ஓடியவர்தான்.  இன்னும் அவரை கண்டுபிடிக்க முடியவில்லை.

வடிவேலு இருக்கும்  இடம் உங்களுக்கு தெரிஞ்சா சொல்லுங்களேன் ப்ளீஸ்..

ஆக்கம், கற்பனை

மென்பொருள் பிரபு.


Apple Name and logo Registered Trade marks of Apple inc.
Windows name and logo Registered trade mark of Microsoft Inc. 
Names and logos  used under fair use policy.
Other picture's trademarks/copyrights acknowledged.

This is a pure imagination.

14 Comments:

சமுத்ரா said...

ha ha good

Jayadev Das said...

ஆஹா.... உங்க பதிவில், வடிவேலு, பார்த்தீபன் பெயர்கள் இடம் பெரும் என்று கற்பனையிலும் நினைத்ததில்லை, தங்களது இன்னொரு பரிமாணத்தை இந்தப் பதிவில் பார்க்கிறோம், தொடர்ந்து கலக்குங்க தலைவா.........!!

"என் ராஜபாட்டை"- ராஜா said...

கலக்கல் நண்பா .. நல்ல காமெடி

Learn Tally.ERP 9 in Tamil said...

இப்பவே கண்ணை கட்டுதே......

அவ்வ்.........................

ரெவெரி said...

சுவாரஸ்யமாய் கலக்கியிருக்கிறீர்கள்...

mani said...

:)

ABUBAKKAR K M said...

good imagination.
carry on.

mohamedkamil said...

ஹாஹா சூப்பர் மாமே..;)

திண்டுக்கல் தனபாலன் said...

கலக்கல் !

Kumaran said...

இதுதான் வித்தியாசம் வித்தியசமுன்னு சொல்லுவாங்களா ?? ரொம்ப நல்ல காமெடி உரையாடல் தங்களது..அதில் கலக்குற பார்த்திபன் மற்றும் வடிவாலுவை வைத்து அசத்திட்டீங்க.அருமை..மிக்க நன்றிங்க.

Falling Down (1993) - ஹாலிவுட் "இந்தியன்" தாத்தா (திரைப்பார்வை)

தங்கம் பழனி said...

வடிவேலு, பார்த்திபனை வைத்து சொல்லவந்த விஷயத்தை "நறுக்" கென சொல்லி இருக்கிறீர்கள்.

படிக்க காமெடிபோல் இருந்தாலும், புதிய விண்டோஸ் 8-ல் உள்ள மாற்றங்களைப் பற்றி சொல்லியவிதம் அருமை.

பொதுவாக புதிய மாற்றங்களைச் சந்திப்பவர்களுக்கு, என்றும் பழயதை விட மனமிருக்காது. மாற்றத்தை ஏற்றுக்கொள்ளும் மனப்பக்குவமும் இருக்காது. பயன்படுத்த ஆரம்பித்துவிட்டால் நாளடைவில் சரியாகும். மனித மனத்தின் இயல்பும் கூட அதுதான்.

இனி விண்டோஸ் -8ஐ விரல்கள் தடவட்டும்...!!!! பகிர்வுக்கு நன்றி பிரபு சார்..!!!

Karthik Somalinga said...

நல்ல இருந்தது! விண்டோஸ் புது லோகோ நல்லா இருக்குன்னும் சொல்ல முடியல, நல்ல இல்லேன்னும் சொல்ல முடியல! :) கலர்தான் காரணமோ?!

Karthik Somalinga said...

நல்ல இருந்தது! விண்டோஸ் புது லோகோ நல்லா இருக்குன்னும் சொல்ல முடியல, நல்ல இல்லேன்னும் சொல்ல முடியல! :) கலர்தான் காரணமோ?!

பாபு said...

தீர்க்கதரிசி போல் விண்டோஸ் லோகோ மாற்றத்தை முன்னமே யூகித்து சொல்லி இருக்கீங்களே.. பலே ஆளு சார் நீங்க.. நல்ல பகிர்வுகள்.. வாழ்க வளர்க..

back to top